لا تستغلوا ضعف النازحين والنازحات، لا دين ولا ضمير بيرضى إنو تُستغل إنسانة اضطرت تسيب بيتها وأرضها بسبب الحرب وتلجأ لمكان تاني عشان تلقى الأمان، فتلقى بدل الأمان استغلال وذل. والله العظيم الفتيات ديل، البنات الشغالين في الشاي، الجبنة، بيع الطعمية، والأعمال الهامشية، ديل ما اختاروا ظروفهم، ديل بيكافحوا عشان يلقوا لقمة بالحلال، ديل رمز للشرف والصبر.
إنك تعرض (جنس مقابل مأوى) أو (جنس مقابل مال) لشخصة مكسورة ومحتاجة، فده جريمة أخلاقية قبل ما يكون أي شيء تاني. ده ضعف ما قوة. والله ربنا قادر يوريك عدله في الدنيا قبل الآخرة. ما تلعب بالنار، لأن دعوة المظلوم ما بينها وبين ربنا حجاب.
الحمد لله على كل حال، والمناظر المؤلمة البنشوفها كل يوم لازم توقظ جوانا الرحمة، مش الاستغلال. صدقوني، اليد الواحدة ما بتصفق، لكن القلوب النضيفة لو اتجمعت بتقدر تبني وطن، وترد للناس كرامتها. أسأل الله اللطف بعباده، وتغيير الحال، وستر كل مظلوم ومظلومة.”
زكي شيكو
