اخبار محلية

الهروب_الكبير

المشهد كان غريب ومفاجئ والناس كلها كانت بتتفرج على البيحصل قدام عينيها أهالي أبو زبد صحوا لقوا الدنيا مقلوبة والميليشيا بتلم حاجتها وبتمشي

مئات العربيات والشاحنات كانت طالعة من المدينة ورا بعضها في طوابير طويلة ما ليها آخر

وكان معاهم كمان عربيات ملاكي ومواتر كتيرة جداً ماشية في نفس الإتجاه

حتى التكاتك طلعت معاهم وكانت محملة بالناس (والبقج) ماتديك الدرب

وعربات الكارو كمان كانت ماشية وسط الزحمة دي وشايلة عفش وبقج

وفيه ناس كتيرة كانت ماشية على رجليها ومخلية كل حاجة وراها وماشية وخلاص

الكل كان متوجه ناحية مدينة الفولة ومافي زول كان عارف بالظبط إيه اللي مستنيهم هناك

الحركة دي حصلت فجأة وخلت الشوارع كلها تتزاحم بشكل ما طبيعي

أهالي أبو زبد صحيوا لقوا الدنيا مقلوبة والميليشيا بتلم حاجتها وماشية

اللي شاف المنظر بيقول إنها كانت أكبر حركة خروج شافها من ساعة ما بدأت الحرب

الشاحنات كانت محملة بالكامل وكأنهم بياخدوا كل البقدروا يشيلوه معاهم

والعربيات الملاكي كانت ماشية بسرعة وكأنهم مستعجلين شديد

والمواتر كانت بتجري بين العربات وبتعمل إزعاج كبير في الشارع

والتكاتك كانت ماشية ورا بعضها زي القطر وشايلة أمات قرون والشفع

عربات الكارو كانت بطيئة بس كانت ماشية معاهم برضو

الجنجويد الماشين بكرعينهم كانوا تعبانين وماشيين على مهلهم وشايلين على القدروا عليه في ضهرهم

الجو العام في المدينة كان متوتر والناس ما فاهمة الحاصل بالظبط

بس الكل كان حاسس إن فيه حاجة كبيرة بتحصل وإن الوضع اتغير تماماً

طبعاً توقيت خروجهم دا ماكان صدفة تب بل كان له علاقة بالحاصل في الميدان

الجيش السوداني طبعاً زي ما شايفين كل رأس ساعة يحقق إنتصار وتقدم كبير في غرب كردفان في نفس الوقت

والقوات المسلحة والمشتركة بضغطوا بقوة وزاحفين وراهم والجنجويد كل شوية هاربين (معردين) من المناطق اللي كانت تحت سيطرتهم

التقدم دا خلى عناصر الدعم السريع يحسوا إن الأرض بتتهز تحت ارجلهم

فبدأوا ينسحبوا ويهربوا قبل ما الحصار يتقفل عليهم من كل ناحية

الخروج الجماعي دا بيعكس حالة ارتباك وخوف واضحة جوة صفوف الميليشيا

بقوا ما قادرين يثبتوا في أماكنهم زي الأول ولا يتحملوا ضغط الجيش

الناس الكانت موجودة هناك بتقول إن معنوياتهم كانت في الأرض خالص

ومافي تنظيم ولا ترتيب في الإنسحاب دا والكل كان بيجري وخلاص

الراكب عربية والراكب موتر

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى