عباس العشاري يستغرب على ردود وليد مادبو
حقيقة القلم ما بزيل بلم يا وليد ما دبو . معقولة الكل اندهش في ردك للصحفي المهنى والوطني احمد طه.. هو سألك عن المليشيا و الاستهداف على السودان ما سالك عن العنصرية والقبلية طيلة الفترة الماضية وظهورك في القنوات كنا معجبين بيك وكان عندنا امل يتم اختيارك وتكليفك في حكومة الكفاءات لكن يا للأسف المذيع سالك هناك دول لديها منافع في السودان. واستباحها الدخل العنصرية مالكم ومال النخب الشمالية … ما في فرق بين الشمال والغرب انت ناسي انو اغلب السكان في الغرب هم شماليين الجهلاء في الغرب ما عندهم قبلية او عنصرية معقولة انت المتعلم وابن الأسرة الكبيرة تقول هذا. لو سالنا عن نسبك اكيد عندكم نسب مع الشماليين. وفي الشماليين سوايقة. وجعلين لافرق بين شمالي وغربي اه كلمة غرابة دي كمان أكثر الذين نالو الفرص في الشمال او العاصمة هم من الغرب خريجي جامعة الخرطوم اغلبهم من الغرب.. سميتها كمان حكومة الشمال حقيقة القلم ما بزيل بلم . امثالك كثيرين تعليم راح ساي. انا بقول ليك كل أبناء السودان الان تضامنو من الشمال والغرب والجنوب والشرق من أجل السودان معقولة يا ود مادبو انت رجل مثقف أين الهامش الان يعني انت من دعاة الفتن غايتو كلمة غرابة دي أكدت انك انت ما سياسي اكاديمي فقط وفي الاكاديمى ينطبق عليك القلم ما يزيل بلم الشي المؤسف الحرب دي بينت انو أصحاب البدل القاعدين في الخارج وعاملين فيها دكاترة امثالك كثيرين في الد ول الخارجية ارزقاهم هناك لكن لو دا ردك او دا فهمك يا وليد خسارة على تعليمنا كلمة غرابة دي الجاهل في الظرف دا ما بنطقها… نحن السودان لا عرب ولا افارقة نحن امة نحن دولة… ابعدو الفتن يا ابن الوطن الواحد أمثال سودانية كثيرة.. بلدي ولا ملي بطني النصر للسودان للجيش جيش السودان الواحد جيش السودان من غير عنصرية وقبلية
