د.أحمد منصور المحامي يكتب..البرهان ينتقل من الحفر بالإبرة إلى الحفر بالجاك همر

📌دبوس حاااااار
⭕ البرهان ينتقل من الحفر بالإبرة إلى الحفر بالجاك همر …

ملك ملوك الطلس والتوهان يتحول إلى جراح ماهر ويجرى عدة عمليات مستعجلة فى السودان لإزالة الأورام الخبيثة والأدران القحاطية القزمية والدعامية وهى المتواجده بكميات كبيرة وهائلة فى أجساد حكومة السودان …
قلنا ليكم شيلوا الصبر شوية يا وطنيين يا شرفاء …
نعلم جيداً بأنكم تخافون على بلدكم السودان ..
ونعلم جيداً بأن قلبكم على بلدكم السودان …
ونعلم جيداً بأنكم لا ترضون فى بلدكم السودان …
ولكن كلو شئ بى وقتو …
وكل موضوع بى زمانو …
وكل بل بى أوانو …
الجماعة الدقلية والقحاطية القزمية عملوا مؤتمر باريس التعيس …
قام البرهان ملك ملوك الطلس والتوهان بذبحهم كذبح النعاج والضان من الأضان للأضان وجعل مخرجات مؤتمر باريس التعيس مجرد فطيس …
دو دو بى كده يا البرهان …
يحفظك ربى لينا وللسودان …
أهااااا يا أبو الدبابيس الحصل شنووووو ؟؟؟؟
الحصل إنو البرهان صاحب الماجستير فى الخداع الإستراتيجى أتغدى بى ناس مؤتمر باريس التعيس قبل مايتعشوا بيهو …
يعنى فهمها طااائرة …
قام لقط ليك الملاقيط من وزراء وولاة ووكلاء وزارات ومدراء المصالح الحكومية الذين عينهم حمدوك كبير الفاشلين والعميل الإماراتى الشهير والمبعوث الرسمى لخراب وتدمير السودان وجمعم كلهم فى سلة مهملات واحدة ورماهم ليك فى مكب النفايات …
يا شرفاء بإذن الواحد الأحد …
ستخرج عليكم القرارات تلو القرارات بإبعاد العاهات القحاطية القزمية والدعامية من دولاب الدولة فى البلاد …
وده يا سعادتك الكان منتظرو شعبك الصابر معاك …
ألّا خاف ليهو من رصاص ولادانات …
وقعد معاك فى المحليات والولايات …
وكمان فرح معاك لما كنت بتشرب شاى اللبن باللقيمات مع إحدى بنات النوبة الظريفات …
غايتوووووو …
يا بنى قحيط المتقزمين …
مؤتمر باريس التعيس جاكم بالساحق والماحق والبلاء المتلاحق …
قلتو لي عاملين معارضين للحكومة وإنتو الحكومة زاااته !!!!
وكمان صارفين مرتباااته …
أمركم عجيب خلاص …
… أخيراً …
ماكرون الخنزير قال :
لا توجد حكومة شرعية فى السودان بعد حكومة خدمنا وعبيدنا وعملاءنا الخونة …
ورب الكعبة يا ماكرون يا خنزير جاياك حكومة وطنية وشرعية وخائن واحد مافيها …
اضرب يا برهان فى المليان …
وجيب الشرفاء الوطنيين عشان يبنو لينا السودان …
السودان يتحول الآن من مرحلة تعيين العملاء …
إلى مرحلة تعيين النبلاء …
عفيت منك يا البرهان …
يا ملك ملوك القل والبللان …

🖋️د.أحمدمنصورالمحامي …